Cimiteri Monumental
El Cimiteri Monumental l'è on grand cimiteri che l'è staa faa da l'architett Carl Maciachini in del 1866 e che g'ha un fracch de statui, de templi grecch e de obelisch.
El Famedio (che in latin el voeur dì “el templi de la fama”) l'è l'entrada principal del Cimiteri Monumental. Ona volta el gh'eva de vess una gesa ma poeu l'è diventaa el loeugh in dov'hinn sepolt e regordaa i personagg pussee important de l'Italia. Per esempi a gh'è ona targa che la regorda el Giusepp Verdi, che l'è sepolt nò in del cimiteri, ma in de la Cà de Repos di Musicisti che l'ha fundaa lù. In de la Capela Palanti a gh'è un monument commerativ di 800 milanes che hinn mòrt denter i lager di nazist. El cimiteri el g'ha anca ona sezion special per i personn che hinn no de religion catolica.
Cià chì on elench di persònn pussee important che hinn staa mettuu via dent al Cimiteri Monumental:
- Alberto Ascari (pilotta automobilista)
- Antonio Ascari (pilotta automobilista, papà del Alberto)
- Ernesto Bazzaro (scultor)
- Luca Beltrami (architett e storico de l'art)
- Arrigo Boito (musicista, poetta e librettista)
- Carl Cattaneo (patriotta e politegh)
- Alfredo Catalani (musicista)
- Walter Chiari (attor)
- Franco Corelli (cantant de l'opera)
- Filippo Filippi (critegh musical)
- Giorgio Gaber (cantant e attor)
- Giuseppe Gervasini (sacerdott e benefattor)
- Luigi Giussani (sacerdott e teologh)
- Vladimir Horowitz (musicista)
- Lisander Manzon (el pussee grand scrittor de Milan)
- Francesco Maria Piave (poetta e librettista)
- Amilcare Ponchielli (musicista)
- Salvatore Quasimodo (poetta, premi Nobel de la Literadura)
- Medardo Rosso (scultor)
- Delio Tessa (poetta)
- Arturo Toscanini (direttor de orchestra)
- Bruno Valiani (artista)
- Leo Valiani (politegh e scrittor)
