Ciciarada Utent:Dalle93

Contegnûi da pàgina no suportæ in de âtre léngoe.
De Wikipedia

Brau! --Grifter72 (discussioni) 17:43, 12 Avr 2012 (CEST)

Anca mì te foo i mè compliment! Speri de vedètt semper pussee chichinscì tra de nun! A prest! --Eldomm (discussioni) 18:23, 12 Avr 2012 (CEST)

Ciao Dalle, gràsie per la pàgina che te g'hét fàt. Só pò a mé bresà e me só pirmitìt de fà 'n quach mudìfiche per tö vià 'n quach italianìsmo. Se te pènset che g'hape fat mal làsem en mesàgio sö la mé pàgina che ardóm de troà la sulusiù piö giösta.
G'ho ést pò a la pàgina sö menemà. Co l'acesiù che se ghe dà 'ndèla mé parlàda (mé só de la Val Trompia bàsa) menemà se pödarès mìa traducìl con perciò, ànse se pödarès pròpe quàze mìa tradücìl 'n italià perchè l'è mal fà a troàga 'na curispondènsa. Menemà nóter el dopròm per dì "proprio in quel momento ma in modo inatteso/inaspettatamente/sorprendentemente". Te fó 'n ezèmpe: "Sìem dré a parlà de Càrlo, menemà capèta lé la sò fiöla" o sedenò "Sìe dré a ultà 'l fé menemà s'è ambiàt dré a piöer e m'è tocàt scapà".
En piö gh'è l'espresiù "de menemà" che 'nvéce la öl dì piö o meno "man mano", per ezèmpe: "Nó 'n nacc de menemà a mèter a pòst töcc i laùr".
Ciào e gràsie amò.
--Ninonino (discussioni) 09:28, 13 Avr 2012 (CEST)

Hoo capii che ortografia te set dré a drovà... Ma al di d'incoeu soo no se l'è in di noster "elench". L'è mej documentala chì :)

Sciking (ciciarade) 02:19, 26 Nuv 2015 (CET)

Ah, ja que gh'è de doperar una grafia "justa". L'hivi desmentegad! Mah, pota, scancella la pàgina :\

Se me se sbàglie mìa l'è scriìda co l'ortografìa Scriver Lombard, giösta? Se l'è isé ocór mìa scancelàla, l'è asé mitìga 'l sò template ({{SL}}). --Ninonino (ciciarade) 08:18, 26 Nuv 2015 (CET)

No no, l'è mia la SL. La ghe somelła, ma l'è mia. Questa se cłama Lores, l'è una mea invencion.

Pòta, Dalle, me rencrés ma pròpe perchè l'è 'na tò invensiù pörtròp se pöl mìa acetàla, sedenò söcét che ognü 'l tàca a scrìer co la sò ortografìa personàl e se capés piö negót del töt. Zamò la situasiù l'è mìa el màsimo perchè de ortografìe ghe n'è 'na bràca per ògna varietà, bezògna sercà alméno de atignìs a chèle en bris piö dopràde e afermàde. Te farès negót riscrìer la pàgina co la SL o con chèla che te preferéset té 'ntra chèle "acetàde" sö la lmo? Sedenò el res·cio l'è che la scancelómes. --Ninonino (ciciarade) 08:23, 27 Nuv 2015 (CET)

Defaid l'è quell que suced tuts i dé! La wikipedia LMO l'è un mescłot squifós de grafie, vecłe, nœve, inventade! La roba assurda l'è la manera cond la squal li se sparteix li grafie, el criteri que l'«aceta» una grafia e la «nega» un'altra. Come se una grafia faida de vergun encœ la fœss meno vàlida d'una grafia inventada en del 1500, que donca la ten mia de cunt de tante caraterístique moderne. E pœ ve lamentiv que la WikiLMO la g'ha mia contribudor... Forse a vésser un po' meno un grup stile Hitler li cose li cambiareix, que díguet?! 😏

Ps: no no, scancelli'la pur. D'encœ desmeti de dar contribut a la wikiLMO. Spostaró la mea atencion en su li otre.

Envéce de 'nversàt, perchè pórtet mìa 'na quach propòsta sö come cambià 'l regolamènt a mèret de le grafìe? Fà 'na tò propòsta e dòpo 'n parlóm töcc ensèma. --Ninonino (ciciarade) 13:38, 27 Nuv 2015 (CET)
Soratutt, se on ortografia l'è sensada e fada ben, pensi che la cumunità la sarà ben contenta de accettala. --Sciking (ciciarade) 13:43, 27 Nuv 2015 (CET)
Nah, me són mia enversad, ghe mancareix. Me enversi mia per 'ste cose. E a bon cunt nah, una roba que la reguarda tute li wiki l'è que gh'è un'élite de poder que la decideix tut (a la faça del «enciclopedia líbera»). Mi end li élite de poder ghe volł mia entrar, perquè a mi el monopoli e/o la tirannia en general la me va mia a geni. Me płaxereix nomà conóscer questa élite de poder (parli de tute li wiki, mia nomà questa) e me płaxereix veder se questa élite l'ha comprad el domini web. Perquè sedenò questa "pression" l'è gnanc poder, l'è bullism. El problema l'è mia la grafia, el problema l'è qui que 'l decid cosè que 'l va ben e cosè que 'l va mal. Soratut end un'enciclopedia que la DOVEREIX VÉSSER líbera. Èco, a mi quelle cose quí li me płax mia.
El problema de permett a tucc a scriv con ona propria ortogrrafia l'è che poeu el se capiss nagòtt. Gh'è chi voeur drovà "eu" inveci de "oeu", ghe chi voeur drovà "ny" inveci de "gn", ghe chi voeur drovà i "umlaut" e chi no... Ris'ciamm de finì da la "koiné" de la vegia amministrazion a l'enciclopedia in 200 ortografii.. Tra l'alter i ortografii i gh'han de vess documentaa ben (e la LOCC l'è minga documentada ben). La tò ortografia l'è interessanta, proeuva a documentala e a parlà di regol! :)
Quajvun che 'l controlla, l'è necessari. --Sciking (ciciarade) 13:51, 27 Nuv 2015 (CET)
Dalle, se te ót cunusìm pènse che ghe sàpe pròpe nisü problémi, dato che pènse che som quàze compaezà... ;-)
li ortografie li g'han de vésser documentade???? PERQUÈ? Vardev que ogni grafia l'è staida inventada, l'è mia vegnida jo del ciel! Anca li voste "grafie clàssique", que del lombard li g'ha poc (perquè i è mia nascide per vésser "adate" a tut l'àmbit lombard). Perquè gh'è de documentar una grafia? La mea invencion l'è meno vàlida de quella del Ducat nomà perquè nissun la la conosç gn'amò? Wow! Se'l dixiv votre!
Dalle, lìber völ mìa dì sènsa régole. Le régole de chèsta comunità la i ha dicidìde la comunità stèsa. La g'ha discutìt e l'è riàda a 'n consénso sö sèrte régole. Se giü el völ fà part de la comunità el pöl fal ma l'è ciar che 'l g'ha de respetà le régole che la comunità la s'è dada. En piö el g'ha el sacrosànt dirìto de fà de le propòste e semài che la comunità la ia acèta, chèste propòste le deènta le nöe régole. Se té te pènset che 'n ortografìa la g'ha mìa bezògn de éser docümentàda, fà la tò propòsta e 'n parlaróm. --Ninonino (ciciarade) 14:10, 27 Nuv 2015 (CET)
Varda domà la LOCC, gh'è chi scriv "parlaa" e chi "parlàa". Se mi voeuri scriv cont la toa ortografia, 'me foo? ;) --Sciking (ciciarade) 14:22, 27 Nuv 2015 (CET)

Pota te la stúdiet! Hahahaha el problema l'è que vun dei «comunitari» de la WikiLMO el m'ha diid que podivi mia far la pàgina en su la mea grafia "perquè l'era una toa (mea) invencion".

E difàti l'è pròpe isé. Te pödet mìa dopràla perchè le régole come che i è adès le permèt a nisü de doprà ortografìe de invensiù pròpria. --Ninonino (ciciarade) 14:49, 27 Nuv 2015 (CET)

L'Adolf el ne sareix content! :)

Chì te podet cambià i regol, cont el scior Adolf hoo paura de no... ;) Beh, se voeuri studià la tò ortografia, hoo bisogn de vergott, podi mia fa el it:Reverse engineering! Donca, el saria mej avegh di document che disem me se scriv in ortografia.