Ciciarada:Guera d'independenza estun

Contegnûi da pàgina no suportæ in de âtre léngoe.
De Wikipedia

Stil enciclopédich e impreciziù[modifica 'l sorgent]

S·cècc, chèl artìcol ché 'l và sistemàt bé perchè gh'è de le impreciziù gròse che sö 'n enciclopedìa le pöl mìa stà. Ciapóm la fràze: "L'Estonia [...] la s'è deciarada indipendenta da l'Imperi Rüss [...] il 24 febrar del 1918 Ma i suvietigh han respundüü cun la viulenza e i car armaa." Endèl 1918 i soviètich i ezistìa gnemò (L'üniù soviètica la vegnarà fondàda 'ndèl '22) cazomài bezognarès parlà de Bolscevichi. Pò: "...han respundüü cun la viulenza e i car armaa.". A dì isé se capés negót de chèl che gh'è sücidìt. En póche paròle: Endèla I guèra mondial i todèsch i gh'ìa cunquistàt i paés bàltich ma 'nvece de anitìl al Imper Germànich i gh'ìa mitìt en pé 'n stat fantòs. L'Imper Russo el gh'ìa duzìt rinuncià ai paes baltich (col tratàt de Brest-Litovsk) perchè i gh'ìa 'n bal 'na rivulusiù al sò interno e 'l vülìa tös fò de la guèra. L'Estònia 'ndèl més de febrér del '18 la g'ha deciaràt la sò 'ndipendènsa (dal stat baltich filo-todèsch, mìa dai russi). I todèsch i l'ha mìa ricunusìda 'nfìna al més de noèmber, quan che oramài i gh'ìa pirdìt la guèra mondiàl e i gh'ìa de ritiràs. Endèl nà vià i todèsch, i russi i g'ha pensàt de riciapàs i teretóre che i gh'ìa pirdìt. I Estoni (aidiàcc dei Inglés) i g'ha combatìt per casài endré. La guèra de 'ndipendènsa la fenés endèl 1920 dòpo ìga cuinvulgìt apò a la Letònia, i Todèsch del Baltich e divèrse ótre entità (L'armàda Biànca, L'armàda rósa estone ecc.). Ensóma i facc i è mìa stacc mìa isé banài e sèmplici come gh'è scriìt endèl artìcol adès. El sistemarès mé ma adès ghe rìe mìa a fà pò a chèst. --Ninonino (discussioni) 09:41, 21 Mrz 2012 (CET)[rispond]

Amò 'n laùr, chèsta part ché: "El periud d'indipendenza l'è finii in del 1940, quand l'Üniun Suvietiga, poch prima de la Segunda guera mundial, l'ha ucüpaa militarment l'Estonia insema a Lituania e Letonia fin al 1991. L'è staa l'ünigh casu de ucüpaziun furesta in Europa segütada anca in del dopuguera. L'ucupaziun suvietiga l'è stà mai minga recugnussuda de l'alter pais de l'Europa e dall' America." che ghe èntrela co l'ogèt de l'artìcol? La guèra de 'ndependènsa la fenés endèl '20, se se öl dà 'n quàder de le conseguènse pulitiche 'nternasiunài, và benone, ma che ghe èntra se la duminasiù soviètica (chèsta olta sé che l'è soviètica) del '40 al '91 l'è stat l'ünich càzo de ucupasiù forèsta ecc. co la guèra de 'ndependènsa 1918-1920? El sarà pò a éra, l'è éra de sigür, ma 'l ghe èntra negót co l'artìcol. --Ninonino (discussioni) 10:16, 21 Mrz 2012 (CET)[rispond]


va ben Nino. Met a post i rob püssè sbaglià, pö mi te giüsti la grafia.--Grifter72 (discussioni) 10:15, 21 Mrz 2012 (CET)[rispond]
El probléma Grifter l'è 'l tép. Scrìer pò a quàter rìghe, ma bizògna che le sàpe docümentàde e mé adès g'ho mìa tép de mitìm dré a nà a sercà söi lìber. Adès g'ho pröàt a sistemà 'l piö gròs ma l'è fàcil che g'habe scriìt a mé de le 'mpreciziù. Arda pò a té se te pödet migliuràl. Ciào e gràsie. --Ninonino (discussioni) 10:48, 21 Mrz 2012 (CET)[rispond]