Christoph Waltz

De Wikipedia
Va a: navegá, truvá
Ludesàn Chèl artìcol ché 'l è scriìt an Cremàsch, urtugrafìa ünificàda.
Christoph Waltz
Christoph Waltz 2013 Django avp.jpg
Waltz in dal 2013
Nassuu/uda Flag of Austria.svg Viena, Austria
Nazionalitaa Flag of Austria.svg Austria, Flag of Germany.svg Germania
Ocüpazion Atür
Agn d'ativitaa 1981–present

Al Christoph Waltz (pronüncia tudèsca: [ˈkrɪstɔf ˈvalts]; Vièna, Austria, 4 da Utóbre 1956) 'l è 'n atùr austrìech. 'L è dientàt famùs per le sò performance an dai film dal Quentin Tarantino Bastàrt sènsa glòria e Django Unchained, anterpretasiù per le quài 'l g'à venzìt apò dù Oscar al migliùr atùr mia protagunìsta e dù Golden Globe al migliùr atùr mia protagunìsta.

Biugrafìa[Mudifega | mudìfica 'l sorgènt]

S-ciàt dal tudèsch Johannes Waltz e da l'austrìega Elisabeth Urbancic, al Christoph al vé da 'na famìglia da persùne che le lauràa bèa 'n dal mùnt dal spetàcol, pararès anfàti che adürütüra i sò bisnóni i éra bèle atùr da teàtre[1]. Ünìga ecesiù 'l è 'l nóno matèrne Rudolf von Urban, psichiàtra e scritùr.

Cariéra[Mudifega | mudìfica 'l sorgènt]

Dopo ìga stüdiàt recitasiù al Max Reinhardt Seminar da Vièna e al Lee Strasberg Theatre and Film Institute da Nóa York, Waltz al cumìncia la pròpe cariéra mè atùr da teàtre con 'l ezibìse anche 'n evénti e pòst prestigiùs, cùma la Schauspielhaus da Zürìch, al Burgtheater da Vièna e 'l Festival da Salisburgh. La sò cariéra la ciàpa però 'n risvólt püsé televisìf e sinematugràfich, al g'à 'nfàti partecipàt a 'n fràch da produsiù televisìve e film an lengua tudesca.

Ma dóma 'l 2009 'l sarà 'l àn che vedarà la sò cunsacrasiù 'n söl cinéma 'nternasiunàl, gràsie a la pàrt dal culunèl Hans Landa "al caciadùr da giüdèi" 'n dal film Bastàrt sènsa glòria, ndù 'l résita 'n tudèsch, anglés, francés e italià. Per chèla performance ché 'l vegnarà aclamàt da la crìtiga e 'l purtarà a càza 'l prémio da migliùr atùr al Festival da Cannes, 'l Oscar e 'l Golden Globe mè migliùr atùr mia protagunìsta.

An dal 2011 al résita an Carnage dal Roman Polanski e 'n dal film I trì muschetér, an da la pàrt dal Cardinal Richelieu. A la fìne dal 2012 vé fò 'n da le sàle 'l film Django Unchained, andù Waltz al tùrna amò a laurà 'nsèma al Quentin Tarantino. Chèl'interpretasiù ché ga farà véns ü Golden Globe, ü BAFTA (prémio 'nglés püsé prestigiùs per al sìnema) e vü Oscar al migliùr atùr mia protagunìsta.

Éta priàda[Mudifega | mudìfica 'l sorgènt]

Waltz ansèma a la so dóna, la sciùra Judith Holste, ana cüstömìsta tudèsca. Academy Awards, 2010.

Waltz, da madrelèngua tudèsca, 'l pàrla pò 'nglés e francés a 'n lièl aansàt. Al pàrla anche 'l italià 'n Bastàrt sènsa glòria, ma 'ntervistàt al g'à dìt che 'n realtà 'l è mia bù da parlàl[2]. Al sa dùpia 'n per lü 'n da le versiù tudèsche dai sò film.

Waltz, che 'l s'è spuzàt dù vólte, al g'à ìt trì fiói, dù màs-cc e 'na fèmena dal prìm matrimòne e pò 'na bagàia dal secùnt[3]. Ü dai sò s-ciàt 'l è 'n rabì e 'l vìf an Israel.

Al dé d'ancó Waltz 'l vìf tra Berlì e Los Angeles ansèma a la sò famìglia[4].

Nasiunalità[Mudifega | mudìfica 'l sorgènt]

Waltz, sicóme 'l è nasìt a Vièna da pàdre tudèsch, 'l è citadì da la Germània per derìto da nàsita[5], ma 'l g'à ciapàt la citadinànsa austrìega dóma 'n dal 2010[6]. Antervistàt, a la dumànda se 'l sa sentìa püsé tudèsch o austrìech, Waltz al g'à respundìt isé:

Wikiquote-logo.svg
«Só nasìt a Vièna, cresìt a Vièna, andàt a scóla a Vièna, laureàt a Vièna, g'ó stüdiàt a Vièna, cuminciàt a resità a Vièna – e g'aarès amò 'n quài laùre che ma léga a Vièna. Póde vès püsé austrìech da cuzé?[7]»
Wikiquote-logo.svg
«Mé só mia tudèsch, só austrìech. E nuàltre austrìech g'óm an sénso da 'l umorìsmo che 'l è meraviùs. I tudèsch anvéce, mia tànt.»
(Antervìsta al Cristofèn Waltz dal Saturday Night Live, 2013[8].)

Filmugrafìa parsiàl[Mudifega | mudìfica 'l sorgènt]

Prémi[Mudifega | mudìfica 'l sorgènt]

Prémio Oscar

Golden Globe

  • 2010 - Migliùr atùr mia protagunìsta per "Bastàrt sènsa glòria"
  • 2013 - Migliùr atùr mia protagunìsta per "Django Unchained"

Prémio BAFTA

  • 2009 - Migliùr atùr mia protagunìsta per "Bastàrt sènsa glòria"
  • 2012 - Migliùr atùr mia protagunìsta per "Django Unchained"

Festival di Cannes

  • 2009 - Migliùr atùr mia protagunìsta per "Bastàrt sènsa glòria"

Nòte[Mudifega | mudìfica 'l sorgènt]

  1. Lim, Dennis (12 August 2009). "‘Inglourious’ Actor Tastes the Glory". New York Times. Retrieved 21 August 2009
  2. Billington, Alex (2009-08-20). "Interview: Col. Hans 'The Jew Hunter' Landa – Christoph Waltz". First Showing. Retrieved 28 August 2009.
  3. Freydkin, Donna (26 January 2010). "At long last, movie stardom shines on Christoph Waltz". USA Today.
  4. Prufìl dal Cristofèn Waltz sö globalpost.com.
  5. "Waltz to become Austrian citizen". Wiener Zeitung Online. 26 August 2010. Retrieved 24 February 2013.
  6. (21 January 2011). "Waltz fühlt sich definitiv als Österreicher – Boulevard". Focus.de
  7. "Waltz to become an Austrian citizen". 26 August 2010.
  8. http://www.spiegel.de/kultur/kino/christoph-waltz-in-us-kultsendung-saturday-night-live-a-884139.html

Culegamént da fóra[Mudifega | mudìfica 'l sorgènt]