Charlie Hebdo

De Wikipedia

Chest artícol a l'è scricc in Lumbàrt, ortograféa orientàl unificàda.


Charlie Hebdo l'è 'n periodich satìrich setemanàl fransés fondàt endel 1992. Co le sò püblicasiù, che ghe dà spàsio suradetöt a vignète crìtiche, de spès iriverènte e contestàde, de sfónt pulìtich (el ciàpa de mìra en pó töcc i partìcc del Front Nasiunal enfìna ai partìcc piö de sinìstra), sociàl e religiùs (l'è riàt a fà 'ncapelà tat i musulmàni come i ebrei e i cris·cià).

Le sò provocasiù le g'ha alimentàt discusiù a mèret de la libertà de espresiù, acüze de sinsigà le sensibilità religiùze, 'nfìna al pónt de patéser divèrsi atentàcc.

El piö grave l'è stat chèl del 7 de zenér del 2015, a la sò séde de Parìgi, endel córs del quàl du òm col mostàs quarciàt zó, che s'è deciaràcc mèmber de Al Qaida del Yemen, i g'ha copàt öndes persùne e ferìt en maniéra séria amò quàter, per vendicàs de le oféze a Maomèto.[1] 'Ntra i morcc se cönta apò el diretùr Stephane Charbonnier (cunusìt col nòm d'art de Charb) e pò i ilüstradùr Cabu, Wolinski e Tignous.

Riferimèncc[Modifega | modifica 'l sorgent]

  1. www.independent.co.uk