Ceser Beccaria
|
Quest articol chì l'è scrivud in lombard, con la Noeuva Ortografia Lombarda |
El Ceser Beccaria (Cesare Beccaria in italian; Marches de Beccaria-Bonesana, Milan, 12 de marz del 1738 - 28 de november del 1794) a l'è stad un filosof e leterad italian, vun di pussee important esponent de l'inluminism lombard, l'ha fondad insema al Lissander e al Peder Verr l'Academia di Pugn e l'è stad in tra i principai collaborador del giornal "Il Caffè". L'è cognossud soratut coma autor del liber "Dei delitti e delle pene", che 'l parla de la necessità de abolì la tortura e la pena de mort e de modifegà el sistema carcerari.
Penser[Modifega | modifica 'l sorgent]
Dop de havé scrivud in sul tema economegh, 'me per esempi ind el "Del disordine e de' rimedi delle monete nello Stato di Milano nell'anno 1762", el Beccaria el publega in del 1764 "Dei delitti e delle pene", oeuvra ispirada ai principi del Rousseau e del Montesquieau, che la se spantega subet in tuta Europa, soratut a Paris, indova che i filosof del grup de l'Encyclopédie la descriven 'me vuna di oeuver pussee importante de l'età di lus e de fad la vegn voltada squas subet de l'André Morellet in frances. In quell'oeuvra chì el Beccaria l'insubiss l'abolizzion de la pena de mort, che per lu l'è minga un dirit ma "una guerra de la nazzion cont un citadin", sia per reson etiche sia per reson prateghe, perchè de fad quella pena chì l'ha mai fermad el crimen, insema a l'abolizzion de la tortura, perchè considerada illegitima e inutel; de sorapu el teoriza el concet de prevenzion del delit, che l'è 'me concet in tra i pussee modern. I so idei inn in d'una quai manera in linea con quei di filosof Locke e Helvétius, ma trovom anca di influenze del sensism del Condillac in de l'oeuvra "Ricerche intorno alla natura dello stile" del 1770.
Bibliografia[Modifega | modifica 'l sorgent]
- Enciclopedia Garzanti di Filosofia, Garzanti Editore
Alter proget[Modifega | modifica 'l sorgent]
Wikisource el gh'ha dent una pagina dedicada a Ceser Beccaria
Wikiquote el gh'ha dent citazzion de o su Ceser Beccaria
Wikibooks el gh'ha dent test o manuai in su Ceser Beccaria
Wikimedia Commons el gh'ha dent imagin o alter archivi su Ceser Beccaria
