Casa Rosada

De Wikipedia
La Casa Rosada a Buenos Airese
La Casa Rosada 'n del 1890 prima che ghe mètes mà ol Francèsch Tambürì

La Casa Rosada la se tróa a Buenos Aires sö la Piasa de Mayo e l’è la residènsa del Presidènt de la Repüblica de l’Argentina.

L’è isé ciamada per ol sò colùr ròsa, che l’vé mia dal material dovràt per fala sö, ma da öna mà de ernìs che i gh’à dacc a la fì del mèla e òt (1800).

La Casa Rosada isé cóme me la èt incö l’è nasida ‘n del 1898 grasie al progèt del architèt Francèsc Tambürì che l’éra stai ciamàt dal presidènt Luis Sáenz Peña. Infati prima de ès ü palàs adóma la Casa Rosada l’éra facia da piö palàs, chèl del goèrno e chèl di poste, e da chèl che l'restàa de öna fortèsa coloniala; ol Tamburì l’à progetàt ol grant arch de triónf che gh'è ‘n del mès e ‘l tòch de palàs che gh'è de dré; l’arch e ‘l tòch de palàs i è stai fai sö sura öna strada, la Calle Balcarce.

L’arch de triónf l’ taca ‘nsèma i dù tòch de la fasada che se èt amò al dé de ‘ncö che i è mia stès, desà che i éra dù palàs diferèncc.