Carl de Provenza
El Carl de Provenza (845-863) l'è staa el primm re de la Provenza.
La familia[Modifega | modifica 'l sorgent]
El Carl a l'era el terz fioeu de l'imperador del Sacher Roman Imperi Lotari I, e donca l'era nevod del Luis I el Religios (fioeu a soa voeulta de Carlomagn). La soa mader l'eva l'Ermengarda de Tours (...-851).
Biografia[Modifega | modifica 'l sorgent]
El Lotari I, primma de morì, l'ha deciduu de divid el sò regn, la Lotaringia (voeuna di tre part del Sacher Roman Imperi) in trii tòcch:
- Al maggior, el Luis II, l'ha daa el tròn d'Italia e 'l titol imperial;
- Al segond, el Lotari II, l'ha daa la Frisia, i territòri tra 'l Reno e la S'celda, i mont Giura e la Savòia;
- Al Carl, la Provenza e ona part de la Borgogna al confin con la Savòia;
Ma el Carl l'eva anmò on bagaj, e l'eva anca epilettich. Per quest i sò fradei hann cercaa a dagh el sò territòri, ma i nòbil provenzai s'hinn rebellaa e lù l'ha poduu restà re.
In del 860 l'è riessii a batt el sò zio Carl II de Francia, che 'l voreva conchestà la Provenza (anca se podom dì che 'l merit de la conservazion de l'indipendenza l'è pu del sò tutor, el cont Gerard II de Vienne, che l'era sò zio).
Quand l'è mòrt, in del 863, el regn l'è staa spartii tra el Lotari II e ' Luis II, che l'è diventaa el noeuv re de Provenza.