Canton Friburgo

Chest artícol a l'è scricc in Lumbàrt Orientàl, ortograféa unificàda

Canton Fribùrgo Etat de Fribourg Staat Freiburg
Stema del Canton
Pusizion in Svizzera
Dati
Capital	Friburgo
Entrada in de la Cunfederazion	1481
Abreviazion	FR
Pupulazion	278493 abitant
Censiment	Dicember 2010
Superfis	1.671 km²
Densità	161 hab./km²
Nümer de Cumün	168
Lenguv	Todèsch e fransés
Mapa del canton

El Canton Friburgo l'è giü dei vintisés cantù de la Svìsera, l'è sitüàt endèla part ocidentàla del paés. El cunfìna a ucidènt col lach de Neuchâtel, che 'l la sepàra del Cantù de Neuchâtel, piö a sud el cunfìna col Canton Vaud e a nòrt e a èst el cunfìna col Canton Berna.

La popolasiù del cantù l'è 'n magiurànsa de religiù catòlica (73%). Endèl teretóre del canton Friburgo gh'è divèrsi convèncc, e gh'è apò a l'ünica Üniversità Catòlica de Svìsera, l'Üniversità de Friburgo.

El cantù 'l se tróa a la frontiéra linguìstica (Röstigraben) 'ntra la zòna che pàrla 'l fransés e chèla che pàrla 'n todèsch. El cunfì 'ntrà le dò àree l'è segnàt del fiöm Sarine (en todèsch: Saane), a ucidènt del fiöm gh'è i du tèrs de popolasiù che pàrla fransés e a èst el rèst che pàrla todèsch.

El Canton Friburgo 'l g'ha aderìt a la Confederasiù Svìsera zamò 'ndèl an 1481. l'è stat el prim cantù a magiurànsa de lèngua franséza.

Südiviziù aministratìva

Distrècc del Canton Friburgo

El cantù l'è spartìt en 7 distrècc:

• Broye, che g'ha per capitàl la citadìna de Estavayer-le-Lac
• Glâne, che g'ha per capitàl la citadìna de Romont
• Gruyère (en todèsch: Greyerz) , che g'ha per capitàl la citadìna de Bulle
• Sarine (en todèsch: Saane) , che g'ha per capitàl la cità de Friburgo
• See (en fransés: District du Lac) , che g'ha per capitàl la citadìna de Murten
• Sense (en fransés: Singine) , che g'ha per capitàl la citadìna de Tafers
• Veveyse (en todèsch: Vivisbach) , che g'ha per capitàl la citadìna de Châtel-Saint-Denis

Colegamèncc estèrni

• Official Statistics
• Sit Uficiàl (Franzés) (Todesch)
• Media relaa a Canton Friburgo al Wikimedia Commons