Butizì
De Wikipedia
| Butizì | |
| {{{imàgen}}} | |
| Stàto | Itàlia |
| Cantù (CH) | |
| Regiù (IT) | Lumbardía |
| Pruvìncia (IT) | Brèsa |
| Altèsa | 153 m |
| Süperfìcie | 18 km² |
| Abitàncc | 10000 ab. |
| Densità | 540 ab/km² |
| Frasiù | Butizì Séra, Butizì Matìna, San Gal. |
| Cümü cunfinàncc | Brèsa, Nàe, Nigoléra, Rezàt, Sèrle. |
| NPA | CH- |
| CAP | IT-25080, 25082 |
| Prefìs del telèfono svìser | +41 |
| Prefìs del telèfono italià | +39 030 |
| Patròno | |
| Sito del cümü | |
| Vardee ul Prugett di cumün | |
Butizì (Botticino en Italià) l'è 'n cümü de quàze 10000 abitàncc de la Pruvìncia de Brèsa. El se tróa a Nord-Est de la cità de Brèsa sö la stràda che mìna al Lac de Gàrda. Butizì l'è cunusìt suratöt per le càe de màrmor e per el vì Botticino D.O.C..
El cümü 'l s'è custitüìt endèl 1928 de la fuziù dei cümü de Butizì Matìna (postàt sul fónt de la al del Ré) e Butizì Séra (postàt, compàgn de l'ótra frasiù San Gal ai pè de la Madaléna e de la Fràta).
L'economìa del paés l'è fondàda en bùna part sö le laorasiù tèssili dei calsècc, sö le atività de estrasiù del màrmor, e sö la cultivasiù de la icc per la prudusiù del Botticino D.O.C.. El màrmor en particolàr l'è stat dopràt en töt el mónt: de la Casa Bianca de Washington a la stàtua de la Libertà de New York, de l'altàr de la Pàtria de Róma al Tèmpio Capitolino de Brèsa.
[Mudifega] Scöla de Restàuro
Söl còl de San Gal, endèl ex monastér de la SS. Trinità, gh'è la Scöla Regiunàl per la Valorizasù dei Bé Cültürài, istituìda 'ndèl 1974 de l'Enaip, ente de formasiù de le Acli, co la colaborasiù de l'ICR (Istituto Centrale del Restauro di Roma). Endèn trènt'agn e piö, la Scöla la g'ha furmàt piö de 400 restauradùr de 'n pó töte le regiù d'Itàlia e pò a de l'èstero, La ricérca europèa COMBEFOR fàda endèl 2002 de la Fondasiù Secco Suardo, la g'ha 'nserìt la Scöla, 'nsèma a quàter ótre scöle italiàne 'ndèl panel de realtà europèe stüdiade per le sò atività de furmasiù 'ndèl setùr del restàuro. Al dé de 'ncö la Scöla l'è finansiàda de la Regiù Lombardìa cóme atività de Releànsa Regiunàl.
