Bartolomé Coleù

De Wikipedia
Va a: navegá, truvá
Chest artícol a l'è scricc in Bergamàsch, ortograféa del Dücat semplificada Lombard oriental


Bartolomé Coleù (italià: Bartolomeo Colleoni; latì: Bartholomaeus Colei) l'è nasìt a Sólsa 'n pruinsa de Bèrghem in del 1400 o fórse 'n del 1395 e l'è mórt in del sò castèl de Malpaga ol 2 de Noèmber del 1475.

L'è stacc ü di piö 'mportàncc capità de èntüra del tép e l'à combatìt 'mpó despertöt, ma sura de töt per Enésia pò per ol Dücat de Milà e amò per Enésia che l' là facc capità. L' gh'à üt sèt is-cète e la sò preferida l'éra la Medéa che, mórta zùena, l'è stacia sepelida 'n de la Capèla Coleù che ol Bartolomé l'à facc fà sö apòsta 'n Bèrghem.

Ol nòm[Mudifega | mudìfica 'l sorgènt]

Coleù l' vé de coiù e ol Bartolomé l'è sèmper indacc orgoglius del sò nòm tat che söl sò stèma l'à fai mèt sö tri pér de coiù.

Stèma di Coleù

De èt[Mudifega | mudìfica 'l sorgènt]

Ol castèl de Sólsa 'ndó l'è nasìt, ol castèl de Malpaga che l'éra la sò residènsa e la Capèla Coleù che l'è a Bèrghem in sità ólta, la statua del Coleù a Enésia che gh'à facc ol Verrocchio.

La statua del Coleù a Enésia