Michael Andreas Barclay de Tolly
De Wikipedia
Michèl Andree Barclay de Tolly (in russ: Michail Andrej Bogdanovič Barklaj-de-Tolli; 1761 - 1818) todesch abitant in de la Livònia, ma de origin scozzesa (clan dij Barclay), l'haa servii 14 ann indel esercit rùss prima de divegnì general. L'haa combatuu cont success contra i Polacch, i Svedees e i Turch e in del 1799 l'è divegnuu general.
L'haa combatuu contra el Napuleoon a Pultusk e a Eylau, poeu el s'è dedicaa a riformaa l'esercit dòpo che in del 1810 l'è staa faa minister de la Guèra.
Quand Napuleoon l'haa invaduu la Rùsia l'è staa el primm a dii che gh'era de ritirass senza combatt, ma el s'è scontraa cont l'alter comandant rùss Bagration ch'el voreva inveci combatt e l'è staa sustituii del Kutusov. A Borodino el Barclay de Tolly el comandava l'ala destra dj rùss, ma poeu el s'è ritiraa de l'esercit per problema de salud.
L'è tornaa indree in del 1813 e l'haa comandaa l'esercit rùss a Bautzen, in de la Campagna de Francia e duranta i Cent dì quand l'haa portaa i sò trupp contra Paris.
