Baltasar Carlos de Spagna

De Wikipedia
Va a: navegá, truvá
Lumbard ucidental Quest articol chì l'è scritt in milanes, ortografia classega.


El Baldassar Carlo d'Asburgh (Baltasar Carlos d'Asburgo; Madrid, 17 ottober 1629- Saragòzza, 9 ottober 1646) l'è staa infant de Casteja, princip del Portogal e princip di Asturi e l'era el fioeu del re Spagnoeu Filipp IV e de la soa prima miee, l'Elisabeta de Borbon.

L'è staa nominaa erede al trònn de Spagna a domà trì ann, el 7 marz 1632. Intel 1644 i cortigian hann cominciaa a cercà ona soa miee possibil e futura e hann pensaa a la Marianna d'Austria, tosa de la sorela del Filipp IV.

In del 1645 l'ha giuraa 'me erede denanz ai Cortes de l'Aragona e l'ann dòpo davant a quij de la Navarra. Ma menter el tornava a Madrid el s'è malaa e l'è mòrt a Saragòzza. El sò còrp l'è staa mettuu a l'Escorial de Madrid, indove stann ona bona part di member de la famiglia real Spangoeula. La soa mòrt l'ha lassaa el pader senza on fioeu destinaa a diventà re, anca perchè la soa miee l'era mòrta anca lee. Donca l'ha deciduu de sposà pròppi la Marianna d'Austria, de la qual l'ha avuu el sò erede desideraa , el Carl II de Spagna.

El Baldassar Carlo l'è famos per i quader che el ghe ha faa el pittor Diego Velázquez, che hinn di esempigrand de l'art baròcca.