Atentàcc de l'11 de setèmber del 2001

De Wikipedia
Va a: navegá, truvá
Chest artícol a l'è scricc in Bresà, ortograféa Modèrna Lombard oriental
Le Tór Zemèle che brüza dòpo l'atàco terurìsta

I atentàcc del 11 de Setèmber del 2001 i è stacc atàchi suicìdi facc de terurìsti de al-Qa'ida cùtra obietìf civìi e militàr endèl teretóre dei Stàti Ünìcc de Amèrica.

La matìna de l'11 de setèmber del 2001, 19 òm de l'organizasiù terurìsta de 'mprónta islàmica al-Qa'ida i g'ha dirotàt quàter aparèchi civìi comerciài. I dirotadùr i g'ha fat scuntrà i dù aparèchi cùtra le tór 1 e 2 del World Trade Center de New York che dòpo póc i è crödàde zó e isé le g'ha fat dan apò a i palàs en bànda. En tèrs aparèchio l'è stat fat schiantà adòs al Pentàgono. El quàrt envéce, che 'l gh'ìa come obietìf o 'l Campidòi o la Cà Biànca a Washington, l'è burlàt zó 'ndèn ciós arènt a Shanksville, endèla contèa de Somerset (Pennsylvania), dòpo che i pasegér e i òm de l'equipàgio i gh'ìa tentàt de riciapà 'l contròl de l'aparèchio.

Töt ensèma, i atentàcc i g'ha fat 2974 mórcc (piö i 19 dirotadùr) come conseguènsa imediàda dei atàchi, e 24 persùne i è stàde deciaràde dispèrse. I piö tacc dei mórcc i ìa civìi, che apartignìa a 90 nasiunalità diferènte.