Aròld I de Danimarca

De Wikipedia
Va a: navegá, truvá
Lumbard ucidental Quest articol chì l'è scritt in milanes, ortografia classega.
El mònegh Poppo el batezza l'Aròld Dentbloeu, probabilment 960 D.C.

L'Aròld I Gormson Dentbloeu de Danimarca (ingles: Harald Bluetooth Gormson; danes: Harald Blåtand; Nors Antich: Haraldr blátönn; Norveges: Harald Blåtann), l'è nassuu in del 935, fioeù del Re Gorm el Vegg e de Thyra (ciamada anca Thyre Danebod).

L'Aròld I se pò ciamà Arald Dencbloeù in version lombarda. El soranòmm Denc bloeù el vegn de dò paroi danes: blå, ch'el voeur dì: de pell scura, e tan, òmm grand e gròss. Insema sònen: Blåtand, denc bloeù, perché in del paes di vichingh, biond de cavei e ciar de pell, on òmm scur compagn de l'Harald el pareva pròppi compagn de on denc de color bloeù. On'altra manera de spiegà el sò soranòmm l'è ch'el fudess golos de mirtill.[1] El soranòmm denc bloeù el pò vegnì foeura anca de la constatazion che lù el gh'aviss minga voeuia de fà la guerra, ma ch'el preferiss giugà de diplomazia.[2]

L'Aròld el s'è convertii a la religion cristiana insema a tut el sò pòpol. L'è anca regordaa per vegh unificaa (anca se per pòcch temp) el Regn de Danimarca con quell de Norvegia e Svezia sotta on unica corona.[3]

Lù l'è mort in del 985 (o fòrsi in del 986). L'ha governaa come Re de Danimarca a partì del 958 e come Re de la Norvegia e Svezia domà per on pò de ann intorna al 970.

Ona quai font stòrega la dis che el Sweyn, el sò fioeù, l'ha traa giò del sò tròno in manera violenta[4].

Referenz[Mudifega | mudìfica 'l sorgènt]

  1. de la Wikipedia toscana
  2. de la Wikipedia inglesa
  3. L'è per ch'el motiv chì che la tecnologia Bluetooth l'è stada ciamada compagn de lù (http://en.wikipedia.org/wiki/Harald_Bluetooth)
  4. Anderson Poul, "The Mother of the Kings" el tratta del Re de Norvegia Enrich Ascia-de-Sangu (Erik Bloodaxe in ingles) e de la sò fameia, ma ona sezion del liber la parla anca de la Danimarca. L'Aròld I l'è descrivuu compagn de on giovin ambizios che l'ha mettuu diversi fazion vichingh in guerra l'ona con l'altra.